Ahad Qayum

Haqiqiy erkak

Juftining yonida bir suyanch tirgak 
G'amni yo'liqtirmas har lahza sergak 
Sevib sevilishga arzimoq uchun- 
Ayolga baxt berar haqiqiy erkak 

Har lahza hurmatin joyiga qo'yar 
Yonidan ketmayin erkalab suyar 

U doyim mehribon qalqon jonkuyar 
Ayolga baxt berar haqiqiy erkak 

Bemor bo'lganida yonida bedor 
Tabiblardan ko'proq joniga mador 
Xato qilganida bermayin ozor 
Ayolga baxt berar haqiqiy erkak 

Ko'nglining eng aziz xonasi kabi 
Asraydi singlisi onasi kabi 

Aslo tugamayin quvonchlar safi 
Ayolga baxt berar haqiqiy erkak 

Yigitlik nomini ko'tarib baland 
Ko'rganlar qarasin havaslar bilan 
Ardoqlab yashaydi sevadi dildan 
Ayolga baxt berar haqiqiy erkak 

Ahad Qayum yozdi ayollar uchun 
Bajarib muxlislar oldida burchin 

Asraydi joniday har bitta sochin 
Ayolga baxt berar haqiqiy erkak 

Juftining yonida bir suyanch tirgak 
G'amni yo'liqtirmas har lahza sergak 
Sevib sevilishga arzimoq uchun- 
Ayolga baxt berar haqiqiy erkak