Ramiljon Ismoilov

Qiz bola

Qiz bola hech qachon dardman bo'lmasin
Mehirli qalbiga armon to'lmasin
Orzu g'unchalari bevaqt so'lmasin
Odamlar qiz bola baxtsiz bo'lmasin

Mo'ltirab boqmasin ko'zda yosh bilan
Odamlar xo'rlamang g'iybat tosh bilan
El ichra yurmasin egik bosh bilan
Odamlar qiz bola baxtsiz bo'lmasin

Hech qachon hech qachon ko'ngli sinmasin
Hech qachon sevgidan ozor topmasin
Hech qachon aldanib umidlari so'nmasin
Hech qachon qiz bola baxtsiz bo'lmasin

Non toshin yeb har tomon otmang
Tagi past nomardga quldayin sotmang
So'kmang azoblab uyqusiz yotmang
Odamlar qiz bola baxtsiz bo'lmasin

Qalbini nadomat o'kinch yoqmasin
Ko'zida yoshi tugab qonlar oqmasin
Dunyodan to'ydim deb etak qoqmasin
Odamlar qiz bola baxtsiz bo'lmasin