Shavkat Zulfiqor

Bir qop pulim bo'lsaydi

Bir qop pulim bo'lsa nima qilardi
Bir qop pulim bo'lsa o'zim bilardim
Eng yaxshi nusxada mashina minib
Ko'nglimga ne kelsa shuni qilardim

Ehtimol oylarga boylardek boqib
Kambag'al g'aribning ko'ksini tilardim
Koshona hovlida kerilib yurib
Qo'shnimning hovlidan mag'rur kulardim

Mansabga alishar edim do'stimni
Otamni eslamas edim ehtimol
Turfa gullarga o'rnini berib
Kesilib ketardi otam ekkan tol

Onamga oltin - zar libos kiydirib
So'ngida otardim
Yetimga bir burda qora non berib
So'ng urib yorardim sho'rlik boshini

Mehr tilab kelgan shirin o'g'limning
Yuziga shapaloq tortardi qo'lim
Dunyoning mehriga to'ydim bas desayam
Yuz burib ketardi xattoki o'lim