Jahongir Fayziyev

O'zbek kelayotir

Yana hayol uzra tashbehlar xil xil
Bir payg'o vasliga talpinar dadil
Ilhom parisining xushxabarida
Sarg'ush sandug'ochdey yayramoq dadil

Kul bo'sa dillarda muzlagan armon
Kul bo'sa mensimay xor qilgan nodon
Yana ming yillikning tong otaridan
Kul bo'sa zamona yo'l bo'sa jahon

O'zbek kelayotir tarix qaridan
Bir qanot Alpomish bir qanot Shiroq
Bir yon Alp er to'nga yengilmas tuproq
O't olib mangulik samandarida
Tumarislar qalbin yoritgan chiroq

Daxosining sonsiz mevasi bilan
Samarqand Buxoro Xivasi bilan
Qancha tosh bitikning o'yiq bag'rida
Shoshga teng bo'lgan shevasi bilan

Kul bo'sa dillarda muzlagan armon
Kul bo'sa mensimay xor qilgan nodon
Yana ming yillikning tong otaridan
Kul bo'sa zamona yo'l bo'sa jahon

Azaldan zakovat nuriga yo'lchi
Zulmatlarga irfon yulduzin sochib
Uning tun u kunning tutash yeridan
Ne ne sayyoralar qutqarar ochiq