Ahad Qayum

Dil og'rig'i

Til chaqar  chayon  ekan dil og‘rig‘i 
O‘ldiradi ilon ekan dil og‘rig‘i 
Besuyak til yetqizgan bu jarohatlar
Dil og‘rig‘i yomon ekan dil og‘rig‘i 
Ortimdagi mish mishlardan charchayapman 
Tuxmatlardan yolg‘onlardan qaqshayapman 
Men ularni  kechirolmay  yashayapman 
Dil og‘rig‘i yomon ekan dil og‘rig‘i 

Bir so‘z bilan ko‘ngil bog‘im  ostin ustin 
Qay biriga ko‘zim tushib  yo‘lin to‘sdim 
Dil yarasi bitmas ekan aslo do‘stim 
Dil og‘rig‘i yomon  ekan  dil og‘rig‘i 
Har eslasam kelaverar ko‘zimga nam 
Esga tushar  aza kuni to‘y kuni ham 
Bu azobdan qutularman  balki o‘lsam 
Dil og‘rig‘i yomon ekan dil og‘rig‘i 
Bag‘ring o‘yarqonga bo‘yar ko‘ksing tilar 
Bir kun oxir sog‘ odamni kasal qilar 
Bir achchiq so‘z tekkan ko‘ngil xasta bo‘lar 
Dil og‘rig‘i yomon rkan dil og‘rig‘i 

Pok nominga dog‘ tushirgan  nuqson gaplar 
Dard ustiga  tug‘diradi yana dardlar 
Bitmas ekan ko‘ngildagi jarohatlat 
Dil og‘rig‘i yomon ekan dil og‘rig‘i 
Ahad Qayum qon yig‘ladi  bazan tunlar 
O'z do'stlarin qilmishlari bag'rin xunlar 
Shuni o'ylab bu dunyodan ko'zin yumar 
Dil og'rig'i yomon ekan dil og'rig'i