Umidulloh

Buyuk Alloh sevdi Rasulini

Bir kimsaki bo'lsa
Biriga oshiq
Agar chindan bo'lsa
Ishqiga sodiq
Fido etar unga
Butun molini
Hamda ayamaydi
Aslo jonini

Unga qiymatliroq
Sevgani jondan
Jondaka ustundir
Ikki jahondan

Rad etmas mahbubini
Hech bir so'zini
Mayli der o'girmas
Aslo yuzini
Uning har zahmati
Rahmatlar unga
Uning har xizmati
Minnatlar unga

Sevar sevgilisin
Sevganini ham
Ham sevar qo'yini
Ko'ppagini ham

Uning dushmaniga
Doim dushmandur
Uni sal ranjitsa
Ko'p pushaymondir
Qo'lni qo'l sezganda
Gar shunday bo'lsa
Buyuk Alloh sevsa
Ne bo'lar so'zla

Subhana Robbiyal Ala
Subhana Robbiyal Azim