MYNBAY

Әтір

Естеліктер санада балқиды
Сен туралы жырларым шалқиды
Мойыныңа себетін әтірден
Сағыныштың иісі аңқиды

Рэп:
Біз екеуміз бақыт үшін не істедік
Өмірімнен ерте кеттің кеш келіп
Ескі шақты өлең қылдым ескеріп
Біздер жайлы осы соңғы естелік

Сен туралы айтылмады көп сөзім
Айтыла алмай өшкен еді от сезім
Өзің жаққан жүректегі жалынды
Жасыңменен кеп сөндіріп кетші өзің

Айтып қойдым жырымменен жиі шын
Мен сезінген махаббаттың күйісің…
Күйігіме айналмас деп ойлағам
Киіміме сіңіп қалған иісің

Шумақ:
Дәл осылай өтер өмір өтірік
Сен де бір күн қаласың-ау өкініп
Сен туралы жырларымды оқимын
Сен болмайтын орталарда отырып