Асхат Амангелді

Сені ешкімге бермеймін (поэзия)

Сені ешкімге бермеймін сұрамасын
Сұрамасын жанымның мұнарасын
Сені маған Тәңірдің өзі берген
Пейіште періштелер жылағасын
Мен сені көкте күннен қызғанамын
Сезіле ме жүректің мұздағаны
Мына опасыз дүниеде күнәсі жоқ
Тәңірдің сүйіктісі біз ғанамыз

Мен сені сүюден жалықпаймын
Қанатсыз ақ қасында қалықтаймын
Сен қасымда болғанда жұмақтаймын
Сен болмасаң аяулым тамұқтаймын

Мен сені сағынудан азап шегем
Азап шегемБұл азап ғажап неге
Кеудемдегі жалынмен салыстырсаң
Аяз болып көрінер тозақ деген
Біреу менің көзімнен байқар күзді
Мен сені ұмытуға қауқарсызбын
Имандылық заңдарын бұзған бұлар
Жүзі күйген пенде деп айтар бізді

Айта берсін
Ол сөзді құлағыма іле алмаймын
Себебі мен сезімсіз жүре алмаймын
Өзгелерсіз күн кешсем өкінбеймін
Ал өзіңсіз мен өмір сүре алмаймын