Qodirjon Ahmedov

Ov

Tanda kuchim bor-ki tomirim bo‘rtib
Huddi kechagidek chopib boryapman
Gohida yiqilib gohida turib
O‘z yo‘limmi o‘zim topib boryapman
Kecha qo‘limdan non yeb turib, bugun
Arzimas chaqaga nomin sotishdi
Yuragim og‘ridi qarg‘adim beun
Yaralandim ortdan pinhon otishdi

Ov boshlandi tamom endi tamom deb
Haybatli katta bir o‘yin boshlashdi
Mana qo‘limizda tirik nishon deb
To‘rtda tomonimga to‘siq tashlashdi
Kimlar do‘q uryapti va yana kimlar
Itdek akillashib tomoq yirtyapti
Men axir bo‘riman, bo‘riman bo‘ri
Tirnoqlarim qonab yerni chertyapti

Bo‘yin bermay sira sirtmoqlarga
Har bitta to‘siqni buzishim kerak
Tishimni botirib tomoqlarga
Ko‘nglimni g‘uborin yozishim kerak
Kimlar do‘q uryapti va yana kimlar
Itdek akillashib tomoq yirtyapti
Men axir bo‘riman, bo‘riman bo‘ri
Tirnoqlarim qonab yerni chertyapti