Kumush

Xayr, ota uy ostonasi

Bo'y yetganda go'zal qalam qoshmi qizlar
Palaxmonlar olib otgan toshmi qizlar
Qadrdonlar ko'zidagi yoshmi qizlar
Derlar bari bo'lib taqdir hayronasi
Xayr endi ota uyning ostonasi
Xayr endi ona uyning ostonasi

Osonmidi bir niholdan gul tuzmoqlik
Atrofida yurib yelib yo'l kezmoqlik
Qanday bo'lar ekan endi der o'smoqlik
O'tmay qolar hech biror bir bahonasi
Xayr endi ota uyning ostonasi
Xayr endi ona uyning ostonasi
Nahot endi boshidan suv o'girmaslar
Ko'ngil uchun ko'ngil so'rab o'tirmaslar
Yuraklarda baxtli bo'lgin degan saslar
Bolalikning erkalikning koshonasi
Xayr endi ota uyning ostonasi
Xayr endi ona uyning ostonasi

Qiz bola shu o'sib ketar band bandingdan
Mehmon mehmon o'yin qolar farzandingdan
Rozi bo'lgin ey xonadon dilbandingdan
Shu ekanda asli qizlar peshonasi
Xayr endi ota uyning ostonasi
Xayr endi ona uyning ostonasi