Elyor To'ychiyev

Oqibat

Sulton edi ziyofatlar berganimda
Yuzsizlarga beminnatlik yoqib ketdi
Omadim ham meni tashlab ketganida
Oqibat ham ariqlarda oqib ketdi

Mehrsizga ko‘ngil berish xato bo‘ldi
Xiyonatdan bu yuragim ado bo‘ldi

Na sevgida vafo ko‘rdim na bir do‘stdan
Oqibat ham ariqlarda oqib ketdi

Omad kelib derazadan boqib ketdi
Chin do‘stlarim meni arzon sotib ketdi
Begonaga o‘xshab qoldik qara endi
Oqibat ham ariqlarda oqib ketdi

Do‘stim bo‘lsang sherik bo‘lgin kulganimga
Ishonmagin ko‘rmay xatto o‘lganimga

Bir yil bo‘ldi seni axir ko‘rganimga
Oqibat ham ariqlarda oqib ketdi

Ba'zi ishlar og‘ir botar yuraklarga
G‘iybat qilmang yarashmaydi erkaklarga
Nima bo‘ldi uzun orzu-tilaklarga
Oqibat ham ariqlarda oqib ketdi